Нарăс уйăхĕн 14-мĕшĕнче шкул ачисен чăваш чĕлхипе литературине, культурине вĕрентес кăмăлне çĕклес, пултаруллă ачасене тупса палăртас тĕллевпе «Янра, чăваш сăмахĕ» конкурс-фестиваль иртрĕ. Конкурса 5-8 классенче вĕренкен ачасем хутшăнма пултарчĕç. Хирти Мăнтăр вăтам шкулĕн чысне район шайĕнче Валетова Надежда (5 класс), Гатина Елизавета (6 класс), Миронова Екатерина (6 класс), Смирнова Александра (6 класс), Яковлева Марианна (8 класс) хӳтĕлерĕç. Хутшăнакансем П.Хусанкай сăввисене чуна пырса тивмелле янраттарчĕç. Жюри членĕсем пултаруллисене Хисеп хучĕсем парса чысларĕç, вĕсен шутне 8-мĕш класра вĕренекен Яковлева Марианна та кĕчĕ. «Янра, чăваш сăмахĕ» конкурс-фестиваль ачасемшĕн те, вĕрентекенсемшĕн те чăн-чăн уяв пулчĕ.