Ака уйăхĕн 18-мĕшĕнчен пуҫласа 25-мĕшĕччен Хирти Мăнтăр вăтам  шкулĕнче чăваш чĕлхипе литература эрнелĕхĕ иртрĕ.

            Ҫак хушăра чăваш чĕлхи тата литература вĕрентекенĕсем Нина Алексеевна Смирновăпа Лариса Николаевна Данилова уҫă уроксем кăтартрĕҫ тата класс тулашĕнче тĕрлĕ ĕҫсем туса ирттерчĕҫ. И.Я. Яковлев 168 ҫул тултарнине халалласа Лариса Николаевна 7-мĕш класра «Ан сӳнтĕр И. Я. Яковлев халалĕ» урок КВН ирттерчĕ. Ачасем урокра тăрăшса ĕҫлерĕç, хăйсен пĕлĕвĕсене ҫӳллĕ шайра кăтартрĕҫ. Ҫавăн пекех Нина Алексеевна 6-мĕш класра «Çăлтăрлă сехет» вăйă урок пачĕ.

            11-мĕш класс вĕренекенĕсем эрне тăршшĕпех ытти классене И.Я.Яковлев пурнăҫĕпе пултарулăхне халалланă презентаципе паллаштарчĕҫ, вулав урокĕсем ирттерчĕç.

            Нина Алексеевна 9-мĕш класра «Тăван чĕлхе – пин-пин ахах» уҫă урок ирттерчĕ. Урок валли ачасем пуян материал хатĕрленĕ. Чăвашăн паллă çыннисем çинчен интереслĕ те усăллă презентацисем туса килнĕ. Урок питĕ пысăк шайра иртрĕ. Ачасем урокра кроссвордсем шутларĕҫ, тĕрлĕ ыйту çине хурав пачĕç.

            Эрне хушшинче илемлĕ вулавҫăсен конкурсĕ пулса иртрĕ.

Малти вырăнсене ҫак ачасем ҫĕнсе илчĕҫ:

·         Васильева Арина (8 класс)

·         Ахметова Инзиля (8 класс)

            Куракансем 5-мĕш класра вĕренекенсем Садртдинов Лияз, Купиров Ильнар, Сахров Разиль, 6-мĕш класра вĕренекен Сулейманова Азалия тата 7-мĕш класра вĕренекен Гимальтдинов Гиляз пăхмасăр каланă сăвăсене те ăшшăн йышăнчĕç.

            Ҫĕнтерӳҫĕсене Хисеп хучĕсем парса саламларĕç.

            Чăваш чĕлхипе литература эрнелĕхĕ тухăҫлă та усăллă иртрĕ.