Чăваш чĕлхипе литература эрни ирттересси Хирти Мăнтăр вăтам шкулĕнче йăлана кĕнĕ ĕнтĕ. Эрнен кашни кунĕнчех тĕрлĕ ĕç туса пыма майсем пур. Ака уйăхĕн 21-мĕшĕнче 5-6 классем хушшинче «Çăлтăрлă сехет»  вăйă иртрĕ. Вăйă тĕллевĕ чăваш чĕлхин илемне, сăмах вăйне тата асамлăхне туйма вĕрентесси. И.Я.Яковлев биографине, вăл çырнă калавсене, чăваш алфавитне мĕнле пĕлнине тĕрĕслерĕç, И.Я.Яковлев калавĕн ячĕпе усă курса («Йăлăнтарни») çĕнĕ сăмахсем тупрĕç ачасем çак ăмăртура. Вăйăра 6-мĕш класра вĕренекен Наталия Александрова çĕнтерӳçĕ пулса тăчĕ.