Çакăн пек ятпа Хирти Мăнтăр вăтам шкулĕнче ака уйăхĕн 20-мĕшĕнче 8-9 класс ачисем хушшинче интеллектуаллă вăйă-ăмăрту иртрĕ. Тăван сăмах илемне, пуянлăхне туйма пултарчĕç ачасем çак вăйăра. Команда капитанĕсем пĕрин хыççăн тепри параппан ăшĕнчен сас паллисем туртса кăларчĕç. Сас палли вара конкурссен тĕсне палăртать:

-        А – Блиц-хурав

-        Ă – Чăваш писателĕсен псевдонимĕсене пĕлетĕр-и?

-        Б – Ваттисен сăмахĕсене вĕçлĕр

-        В – Эп пуçлатăп – эсир вĕçлĕр

-        Г – Тупсăмĕ мĕнле-ши?

-        Д – Тĕрĕс хуравла

-        Е – Тĕрĕссине суйла

-        Ж – Çак йĕркесен авторĕ кам-ши?

-        З – Литература жанрĕсем

            Конкурсра çĕнтерӳçĕ ятне 21 балл пухса 7-мĕш класра вĕренекен Виктория Рыжова илчĕ. 8-мĕш класра вĕренекен Васильева Арина (17 балл), 7-мĕш класра вĕренекен Яковлева Марианна (14 балл) призерсем пулса тăчĕç. Мала тухнисене Хисеп хучĕсем парса чысларĕç.