Чăваш чĕлхипе литература тата тăван ен культури эрнин иккĕмĕш кунĕнче Хирти Мăнтăр вăтам шкул ачисем «Ку ман Чăваш ен» тема тăрăх хатĕрленĕ презентацисемпе паллашрĕç. Конкурса хутшăнакансем «И.А.Андреев профессор – шкул учебникĕсен авторĕ», «М.И.Скворцов профессор – словарь ăсти», «Ачасем валли çыракан хĕрарăм çыравçă (В.Элпи писатель 100 çул тултарнă май)», «Чăвашсен çут çанталăка упрас ыйтăва тапратнă çыравçисем, вĕсен хайлавĕсем», «И.Я.Яковлев – чăвашсене çутта кăлараканĕ» тĕпчев ĕçĕсемпе мультимедийлă презентацисем кăтартрĕç. 8-мĕш класра вĕренекен Афанасьева Татьяна ĕçне куракансем пысăк хак пачĕç.