Ака уйăхěн 23-мěшěнче Хирти Мăнтăр вăтам шкулěнче илемлě вулакансен конкурсě иртрě. Конкурса 5-9 класс ачисем хастар хутшăнчěç. П.Хусанкай, Çеçпěл Мишши, Ю.Сементер, Я.Ухсай, Р.Сарпи, В.Туркай сăввисене вěренекенсем кăмăла каймалла вуларěç. Итлесе ларакансем Платонова Наталья, Афанасьева Татьяна, Миронова Анастасия, Самарина Анжелика, Васильева Анна, Алямшина Людмила пăхмасăр вуланине пысăк хак пачěç. Конкурсра вырăнти çыравçăсен сăввисем те янăрарěç. 5 класра вěренекен Сулагаева Елена тата Данилов Александр Хирти Мăнтăр ялěнче çуралса ÿснě Медведева Наталья сăввине илемлě вуларěç, вырăна тивěç пулчěç. 8 класра вěренекен Гибатдинова Дианăпа Гайзатуллина Гельнэфис, 5 класри Сахров Рияз, Сахров Раиль, Арифуллина Ландыш, Хайртдинова Задиле, 7 класра вěренекен Акшев Данир, Бедертдинов Илнас, Мингалеева Айгюль, Хайруллина Айгюль çак конкурса хастар хутшăнчěç.