Чăваш чĕлхи эрни Хирти Мăнтăр вăтам шкулĕнче пысăк уявпа вĕçленчĕ. «Чечеклен, юратнă Чăваш ен» уявра чăваш юрри-кĕвви янăрарĕ. Пĕринчен тепри маттур, пĕринчен тепри капăр тумлă. Пĕчченшерĕн, икшерĕн, ушкăнпа юрларĕç ачасем. Кашни номере тăвăллăн алă çупрĕç. Жюри членĕсем Ольга Константинова (5 класс), Сулагаева Елена (4 класс), Константинов Александр (6 класс), Гибатдинова Диана (7 класс), Ефимова Вера (2 класс) юрланисене пысăк хак пачĕç. Васильева Янăпа Александрова Наталья (1 класс), Иванова Анжеликăпа Валетова Татьяна (7 класс), Васильева Аннăпа Иванов Валерий (9 класс) юрланă юрăсене чи лайăх дуэт тесе палăртрĕç.